प्रदेश
मधेशमा विपद्बाट पाँच जनाको मृत्यु, ५ सय मानिस विस्थापित
- Jagaransanchar |
- असोज १४, २०८१
काठमाडौं । मधेश प्रदेशमा बाढी र डुवानबाट पाँच जनाको मृत्यु भएको छ । दुईजना बेपत्ता छन् । अन्य ८ जना घाइते भएको मधेश प्रदेश प्रहरी कार्यालयले जनाएको छ ।
बिहीबार रातिदेखिको अविरल वर्षासँगै आएको बाढीमा महोत्तरी र रौतहटमा २–२ जना पुरुष र सप्तरीमा एकजना पुरुषको मृत्यु भएको मधेश प्रदेश प्रहरी कार्यालयका प्रवक्ता एसपी सुवासचन्द्र बोहराले जानकारी दिए ।
उनका अनुसार सर्लाही र पर्सामा गरेर दुईजना बेपत्ता भएका छन् । ९ वटा चौपाया मरेका छन् । ५४ वटा घरमा क्षति भएको छ भने ९६ घरपरिवार विस्थापित भएको एसपी बोहराले बताए ।
यस्तै पाँचसयजना मानिस बाढी र डुबानबाट विस्थापित भएको कार्यालयले जनाएको छ ।
सम्बन्धित समाचारहरु
ब्राउन सुगरसहित २ जना पक्राउ
भदौ २४, २०८१
बाढीबाट मधेशमा ८० करोडभन्दा बढीको क्षति
असोज २३, २०८१