समाचार
इनरुवामा पति-पत्नी मृत फेला
- Jagaransanchar |
- असार २९, २०८२
विराटनगर । सुनसरीको इनरुवामा पति-पत्नी मृत फेला परेका छन् । आइतबार बिहान इनरुवा नगरपालिका–९ बबियाका ३५ वर्षीय सुकदेव शर्मा र उनकी पत्नी अन्दाजी २३ वर्षीया सवेता खातुन घरभित्रै मृत फेला परेका हुन् ।
सुनसरी प्रहरी प्रमुख सुमनकुमार तिम्सिनाका अनुसार फुसको घरको धुरीमा सारीको पासो लगाएर झुन्डिएको अवस्थामा सुकदेवको शव फेला परेको छ ।
सवेताको शव भने ओछ्यानमा फेला परेको छ । उनका अनुसार सुकदेवको शरीर अर्ध नग्न अवस्थामा छ । उनकी श्रीमतीको शव भने बेडमा सुतिरहेको अवस्थामा छ । घटना शंकास्पद भएकाले अनुसन्धान गरिरहेको उनले बताए ।
आइतबार बिहान करिब ९बजे स्थानीयले घरभित्र दम्पतीलाई मृत देखेपछि प्रहरीलाई खबर गरेका थिए ।
.jpg)
सम्बन्धित समाचारहरु
एनआरएनएको १२ औं विश्व सम्मेलन फागुनमा हुने
मङ्सिर २९, २०८२
जेनजी प्रदर्शन : मृतकको संख्या १७ पुग्यो
भदौ २३, २०८२