समाचार
शौचालय बनाउन खनेको खाल्डोको पानीमा डुबेर २ बालबालिकाको मृत्यु
- Jagaransanchar |
- बैशाख ३, २०८३
धनगढी । बझाङमा खाल्डोमा जमेको पानीमा डुबेर दुई जना बालबालिकाको मृत्यु भएको छ । बित्थडचिर गाउँपालिका–१ को माथिल्लो बित्थडमा शुक्रबार खाल्डोमा जमेको पानीमा डुबेर दुई जना बालबालिकाको मृत्यु भएको प्रहरीले जनाएको छ ।
पानीमा डुबेर सोही ठाउँका गगन बोहराको ५ वर्षीया छोरा जेनिस र सन्तोश बोहराको ६ वर्षीया छोरी प्रिन्सा रहेको जिल्ला प्रहरी कार्यालयका सूचना अधिकारी प्रहरी निरीक्षक दिपक बिष्टले जानकारी दिए ।
उनकाअनुसार दुवै जना छिमेकीको घर नजिकै शौचालय निर्माण गर्न खनेको खाल्डोमा जमेको पानीमा डुबेको अवस्थामा दिउँसो सवा २ बजेतिर मृत भेटिएका थिए ।
घटनास्थल कार्य सकेर उनीहरूको शव परीक्षणका लागि पठाउने तयारी भइरहेको प्रहरीले जनाएको छ ।
.jpg)
सम्बन्धित समाचारहरु
शिव सेना नेपालका अध्यक्ष अनिल बस्नेत पक्राउ
बैशाख २८, २०८२