काठमाडौँ । नेकपा एमालेका नेता महेश बस्नेत र मेडिकल व्यवसायी दुर्गा प्रसाईंले एक अर्काविरुद्ध दायर गरेको गाली बेइज्जती मुद्दा हेर्दाहेर्दैमा राखिएको छ । भक्तपुर अदालतका न्यायाधीश श्रीप्रसाद सन्जेलको एकल इजलासमा भएको सुनुवाइमा बहस नसकिएपछि मुद्दा हेर्दाहेर्दैमा राखिएको हो ।

बस्नेतले २०८० कात्तिक १७ गते प्रसाईंविरुद्ध र प्रसाईंले बस्नेतविरुद्ध २०८० पुस ११ गते गाली बेइज्जती मुद्दा दर्ता गराएका थिए । बस्नेतले प्रसाईंलाई मानसिक सन्तुलन गुमाएको व्यक्ति भएको भन्दै अभिव्यक्ति दिएकोमा प्रसाईंले बस्नेत हैसियत नभएको व्यक्ति भएको र नेकपा अध्यक्ष केपी शर्मा ओलीले उचालेर नेता बनाइदिएको बताएका थिए ।

दुवैले सार्वजनिक फोरम र सामाजिक सञ्जालमार्फत एक अर्काविरुद्ध आक्षेप लगाएका थिए ।