धनगढी । नेकपा एमालेले सुदूरपश्चिम प्रदेशका नवनियुक्त मुख्यमन्त्री खगराज भट्ट नेतृत्वको सरकारमा आफ्नातर्फबाट पठाउने मन्त्रीको नाम टुंगो लगाएको छ। एमालेले उपनेता सन्तोष कुमारी शर्मा थापाको नेतृत्वमा सरकारमा सहभागी हुने निर्णय गरेको छ।

शुक्रबार दिउँसो बसेको संसदीय दलको बैठकले शर्मासहित सरकारमा चक्रबहादुर मल्ल, दमनबहादुर भण्डारी र जानकी ऐर बमलाई पठाउने निर्णय गरेको हो।
एक सांसदकाअनुसार एमालेको भागमा परेको आर्थिक मामिला मन्त्रीमा मल्ल, सामाजिक विकास मन्त्रालयमा शर्मा र भूमी व्यवस्था कृषि तथा सहकारी वा उद्योग पर्यटन वन तथा वातावरण मन्त्रालयको जिम्मेवारी भण्डारीले पाउनेछन्।

बमलाई भने राज्यमन्त्री बनाउने तयारी छ । प्रदेश प्रमुख नजिर मियाँले शुक्रबार बिहान नेकपा संसदीय दलका नेता खगराज भट्टलाई मुख्यमन्त्रीमा नियुक्त गरेका थिए।

आज दिउँसो ३ बजे उनले पद तथा गोपनीयताको शपथ लिने कार्यसूची छ।मुख्यमन्त्रीको शपथ ग्रहणलगत्तै मन्त्रीपरिषद् विस्तार गर्ने तयारी छ। एमालेले मन्त्रीको टुंगो लगाए पनि नेकपामा भने छलफल जारी छ ।