काठमाडौँ । उज्यालो नेपाल पार्टीले प्रतिनिधिसभा निर्वाचन २०८२ को समीक्षा गर्दै आगामी राजनीतिक कार्यदिशा तय गर्न दुई दिने केन्द्रीय समीक्षा बैठक सम्पन्न गरेको छ।

पार्टी अध्यक्ष कुलमान घिसिङको अध्यक्षतामा फागुन २९ र ३० गते पार्टीको केन्द्रीय कार्यालयमा सम्पन्न बैठकमा केन्द्रीय सदस्य, उम्मेदवार तथा प्रदेश र जिल्ला संयोजकहरूको सहभागिता रहेको थियो ।

बैठकमा सीमित समय, न्यून स्रोतसाधन र प्रारम्भिक संगठनात्मक अवस्थाका बाबजुद पनि पार्टीले देशभर सम्मानजनक मत प्राप्त गर्न सफल भएको निष्कर्ष निकालिएको छ।

छलफलमा आगामी दिनमा संगठन विस्तार, सदस्यता वृद्धि, जनसम्पर्क सुदृढीकरण र आगामी प्रदेश तथा स्थानीय तह निर्वाचनको तयारीलाई तीव्र बनाउने निर्णय गरिएको पार्टीले जनाएको छ । 

भर्खरै सम्पन्न निर्वाचनमा उज्यालो नेपालले प्रत्यक्षतर्फ कुनै सिट जित्न सकेन भने समानुपातिकतर्फ नेपाल परिवर्तन पार्टीको चुनाव चिन्ह बाँसुरीमा मत माग्दै एक लाख ७२ हजार ४८९ मत प्राप्त गरेको थियो ।